Windows 11 update တွေကို အစည်းအဝေးလုပ်နေချိန် ဒါမှမဟုတ် ဂိမ်းကစားနေချိန်တွေမှာ အတင်းအကျပ် update လုပ်ခိုင်းတာမျိုးကို နောက်ထပ်ကြုံတွေ့ရတော့မှာ မဟုတ်ပါဘူး။ Microsoft က သူတို့ရဲ့ ဘလော့ဂ်မှာ Windows Update နဲ့ ပတ်သက်ပြီး အဓိက အပြောင်းအလဲအချို့ကို ကြေညာခဲ့ပါတယ်။ အဲ့ဒီအထဲမှာ Windows update တွေကို တစ်ခါရပ်ရင် ၃၅ ရက်စီနဲ့ အကန့်အသတ်မရှိ ဆက်တိုက် ရပ်နားထားနိုင်မယ့် လုပ်ဆောင်ချက် ပါဝင်လာပါတယ်။
အသုံးပြုသူတွေကို ပိုမိုထိန်းချုပ်ခွင့်ပေးဖို့အတွက်၊ Windows Update ဟာ update ရပ်နားထားမှု (pause) ကို အသုံးပြုသူတွေ လိုအပ်သလောက် သက်တမ်းတိုးနိုင်မယ့် ရွေးချယ်စရာကို မိတ်ဆက်ပေးခဲ့ပါတယ်။ Windows 11 update တွေကို pause လုပ်ဖို့ ရွေးချယ်လိုက်တာနဲ့ ၃၅ ရက်တိတိ အနှောင့်အယှက်ပေးမှာ မဟုတ်တော့ပါဘူး။ ဒါပေမယ့် အခုအခါမှာတော့ ဒီ ၃၅ ရက် ကန့်သတ်ချက်ကို သင်လိုချင်သလောက် အကြိမ်ကြိမ် ထပ်မံ သတ်မှတ်နိုင်ပြီ ဖြစ်ပါတယ်။
Update အများစုဟာ လုံခြုံရေးအဆင့်မြှင့်တင်မှုတွေနဲ့ သက်ဆိုင်ပြီး တစ်ခါတစ်ရံမှာသာ အရေးပေါ်ပြုပြင်မှုတွေ လိုအပ်တဲ့အတွက် နောက်ဆုံးမှာတော့ ဒီ update တွေကို install လုပ်သင့်ပါတယ်။ ဒါပေမယ့် Microsoft က အသုံးပြုသူတွေကို ဘယ်အချိန်မှာ လုပ်ရမယ်ဆိုတာ ကိုယ်တိုင် ဆုံးဖြတ်ခွင့် ပေးလိုက်တာပဲ ဖြစ်ပါတယ်။ Microsoft ရဲ့ Aria Hanson က ‘အချိန်အခါမဟုတ် update လုပ်မှုတွေကြောင့် အနှောင့်အယှက်ဖြစ်ရတာတွေနဲ့ update လုပ်မယ့်အချိန်ကို လုံလောက်တဲ့ ထိန်းချုပ်ခွင့် မရှိဘူးဆိုတဲ့ အကြံပြုချက်တွေကြောင့် အခုလို ပြောင်းလဲမှုတွေ လုပ်ဆောင်ရခြင်း ဖြစ်တယ်‘ လို့ ဘလော့ဂ်မှာ ရေးသားခဲ့ပါတယ်။
Update တွေကို ရပ်နားထားနိုင်ရုံသာမက၊ Microsoft ဟာ Windows 11 အသုံးပြုသူတွေအနေနဲ့ မိမိတို့ရဲ့ စက်တွေကို update မလုပ်ဘဲ အလွယ်တကူ ပိတ်နိုင် (shut down) ဒါမှမဟုတ် ပြန်ဖွင့်နိုင် (restart) မယ့် ရွေးချယ်စရာကိုလည်း အမြဲတမ်း ရရှိစေဖို့ သေချာဆောင်ရွက်ပေးထားပါတယ်။ ဒီလို အသုံးပြုရ ပိုမိုအဆင်ပြေစေမယ့် အဆင့်မြှင့်တင်မှုတွေဟာ Windows စက်အသစ်တွေ စတင် setup လုပ်ချိန်မှာ update တွေကို ကျော်သွားနိုင်မယ့် နောက်ထပ် မကြာသေးမီက ပြောင်းလဲမှုတစ်ခုအပေါ် အခြေခံပြီး ထွက်ပေါ်လာတာပါ။ Microsoft ရဲ့ အဆိုအရ၊ နောက်ဆုံးပေါ် Windows Updates လုပ်ဆောင်ချက်တွေကို လက်ရှိမှာ Windows Insider program မှာ စာရင်းပေးသွင်းထားသူတွေ၊ အထူးသဖြင့် Dev နဲ့ Experimental Channels တွေက အသုံးပြုသူတွေဆီကို စတင် ဖြန့်ဝေပေးနေပြီ ဖြစ်ပါတယ်။
နည်းပညာနှင့် ပတ်သက်သော Knowledge Post များ၊ Tips နှင့် Guide များကို အသေးစိတ်သိရှိလိုပါက MinSiThu.org တွင် အမြဲတမ်း ဝင်ရောက်ဖတ်ရှုနိုင်ပါသည်။
ကိုးကား: Engadget
MinSiThu.org မှ သင့်လျော်သလို ဘာသာပြန်သည်။